Fjölmennt á Kærleiksviðburð Minningarsjóðs Einars Darra

 María

María

Síðastliðinn laugardag hélt Minningarsjóður Einars Darra Kærleiks viðburð til að þakka fyrir stuðning þeirra sem fengu boð á viðburðinn, einnig til að segja frá komandi verkefnum og sýna nýja fatalínu, sem Una Hlín Kristjánsdóttir hjá DUTY hannaði.

Fjármunir minningarsjóðsins fara í forvarnarverkefni á vegum hans, en aðstandendur minningarsjóðsins hafa verið með forvarnarfræðslu um skaðsemi fíkniefna í framhaldsskólum í allt haust, fyrir utan að birta stuttar myndbandsklippur sem fjalla um hættur lyfjamisnotkunnar og annara fíkniefna.

Í lýsingu á viðburðinum á Facebook segir að ,,við hjá Minnignarsjóði Einars Darra erum meyr yfir þeim stuðning sem við höfum fengið og við erum hvergi nærri hætt, við munum halda áfram að berjast í kærleika í nafni elsku Einar Darra okkar ❤️ Við vonum að þið haldið áfram að vera með okkur í liði ❤️”

Kærleiks viðburðinn var vel sóttur enda hafa margir lagt hönd á plóg til að vekja athygli á minningarsjóðnum og mikilvægi málefnanna sem hann stendur fyrir. Fólk virðist vera óhrætt við að standa með þeim og tala um fíkniefnavandann út frá persónulegri reynslu, enda hafa aðstandendur Einars Darra sem standa að baki minningarsjóðinum kærleiksríkt viðmót sameiginlegt. Stefna þeirra er að hafa ástina að vopni í baráttunni gegn fíkniefnavandanum, og það virðist vera að skila sér.

Sólrún Sen