Yfirlýsing vegna kröfu um afsögn sem formaður SÍF

Í gær 24. júlí 2018 kröfðu fimm stjórnarmenn Sambands íslenskra framhaldsskólanema mig um afsögn úr formennsku í sambandinu. Tilefnið er grein sem ég birti í síðustu viku um pólitíska slagsíðu í menntakerfinu, og gagnrýndi að gera eigi kynjafræði í framhaldsskólum að skyldufagi, á kostnað annarra greina.

20180330_190911.jpg

Þetta upphlaup stjórnarmanna SÍF kemur mér mjög á óvart. Ég boðaði strax til stjórnarfundar eftir að mér varð ljóst að óánægju gætti um skrif mín innan stjórnarinnar, en ágreiningur er eðlilegur hluti af félagsstarfi og þá sérstaklega þegar þessi risavaxni málaflokkur er undir, menntakerfið. Af þeim fundi varð ekki og ákvað meirihluti stjórnar þess í stað að grípa til fyrrgreindra aðgerða og víkja mér úr formennsku. Þess skal getið að ekki var einhugur um þessa ákvörðun innan stjórnarinnar, að mér frátöldum

Þessi öfgafullu viðbrögð stjórnarinnar valda eðlilega áhyggjum. Í félagasamtökum eru ákvarðanir sem þessar teknar á stjórnarfundum, en ekki í tölvupóstsamskiptum einstakra stjórnarmeðlima. Að virða ekki fundarsköp eða almennar vinnureglur sýnir vanhæfni stjórnarmanna til þess að taka ákvarðanir sem þessar.

Frelsi til að gagnrýna er einn af hornsteinum lýðræðis, umræðan um menn og málefni er merki heilbrigðs samfélags.

Mitt starf sem formaður hefur verið að tala fyrir betra menntakerfi. Ef menntakerfið er hafið yfir gagnrýni, má spyrja sig hvað sé gagnrýnisvert og hvað ekki. Skoðanafrelsi einstaklinga er brennt á teini ef þær skoðanir sem tjáðar eru, eru ekki réttar. Ég hef áhyggjur af Íslensku menntakerfi, þess vegna tjáði ég mig og myndi ekki hika við að gera það aftur í sömu stöðu.

Davíð snær Jónsson skrifaði

Vinsælast

Aðrar fréttir

Sólrún Sen